Arbeiðsóhapp í Klaksvík

Ein maður var seinnapartin í gjár fluttur á landssjúkrshúsið eftir at hann var dottin umleið 4 metrar niður í túni í sambandi við arbeiði at taka niður einar brandtrappur.

Óhappið hendi á Klaksvíksvegnum í Klaksvík umleið klokkan 14.15.

Sjúkrabilur varð tilkallaður, sum flutti mannin á sjúkrahús. Sambært vaktleiðaranum hjá løgregluni er støðan hjá manninum ikki kritisk.

Arbeiðseftirlitið er fráboðað um óhappið.