Agnar Prestá
- Eg havi fingið áheitan frá Norðurstreymoyar Javnaðarfelag um at stilla upp til løgtingsvalið. Eg havi avgjørt at taka av
Hetta staðfestir Ben Arabo í viðmerking til Portalin og FM1.
Harvið váttar stjórin í Framtaksgrunninum og formaðurin í nýskipanarnevndini gitingarnar, sum Norðlýsið, aðrir miðlar og fólk annars hava havt seinastu tíðina.
Í viðmerking við vp.fo um sama mundið, staðfestir Ben Arabo, at fleiri flokkara hava heitt á hann.
52-ára gamli búskaparfrøðingurin er nýggjur maður fyri Javnaðarflokkin í Norðurstreymoy, har Ingilín Didriksen Strøm og Uni Holm Johannesen nú eru farin burtur av.
Váttað á Portalinum: Uni Holm Johannesen stillar ikki uppaftur
Ben Arabo hevur ymiskar royndir men ikki beinleiðis á politiska pallinum. Í fjør fór hann til verka sum formaður í sonevndu Nýskipanarnevndini, sum seint í fjør syrgdi fyri, at trý landsstýrisfólk vórðu søgd úr starvi - aðalráðini minkaðu úr níggju niður í seks.
Nú ætlar Arabo sær ein øðrvísi leiklut í føroyskum politikki. Pápi hansara, Thomas Arabo, var í 1980'unum og í 1990'unum á tingi fyri Javnaðarflokkin, umframt at hann var landsstýrismaður.
Vinarliga broyt tínar kennifíla - og privatlívsstillingar fyri at síggja hetta innihald