Ansið eftir í hálkuni

Ansið eftir í ferðsluni í morgun, tí fitt av kava er komið niður í gjárkvøldið og í nátt.

Landsverk hevur verið úti og saltað vegirnar, so koyrilíkindini skuldu verið hampuliga góð, upplýsir vaktleiðarin hjá løgregluni.

Tó var eitt ferðsluóhapp í gjárkvøldið. Tað hendi millum Fjarða, har ein bilur fór á glið í hálkuni og koyrdi út av vegnum. Ongin álvarsligur skaði stóðst av óhappinum.