Innanlands

Amerikanskur senator: Mær dámar hvussu tit hava bundið oyggjarnar saman

Lisa Murkowski, senator í Alaska, var í Føroyum í gjár við fýra senatorum úr USA og hugdi millum annað eftir tunnilsverkætlanunum

Til vinstru á myndini stendur Lisa Murkowski, senator í Alaska (Mynd: Sverri Egholm)

Til vinstru á myndini stendur Lisa Murkowski, senator í Alaska (Mynd: Sverri Egholm)

2019-05-28 10:33 Author image
Regin Winther Poulsen
placeholder

- Eg havi bjóðað fýra av mín starvsfeløgum í Senatinum at hyggja at nøkrum arktiskum økjum. At hyggja at nøkrum av orkustrupulleikunum og tí arktiska økinum sum heild. 

Tað sigur Lisa Murkowski, senator í Alaska, ið var á vitjan í Føroyum í gjár saman við øðrum senatorum úr USA. Ferðaliðið hevði júst verið í Kanada, Grønlandi, Svalbard, Tromsø og Noregi áðrenn tey komu til Føroyar. Eftir ferðina í gjár fór ferðaliðið til Aberdeen og Reykjavíkar, áðrenn leiðin gekk aftur til Washington. Ferðin til Føroyar var sostatt liður í størri ferð. 

- Hetta er fyrstu ferð onkur av okkum hevur verið í Arktiska økinum. Sjálv havi eg verið fleiri ferðir, men hettar er fyrstu ferð nakar av okkum hevur verið í Føroyum. Oyggjarnar eru ótrúliga vakrar og okkum dámar nýhugsanina um, hvussu tit hava skapt samband ímillum oyggjarnar við undirsjóvartunlum, sigur senatorurin frá. Samrøðan varð gjørd júst eftir fund í Føroya Tele við Poul Michelsen, uttanríkisráðharra, Føroya Tele og tunnilsfelagið fyri Eystur- og Sandoyrartunlarnar. Eftir hendan fundin fór ferðaliðið á vitjan hjá SEV. 

- Tað hevur verið áhugavert at hoyra, hvussu samanbundnar oyggjarnar eru, ikki bara ímun til vegakervið, men eisini samskiftið. Nú fara vit at hoyra um, hvussu oyggjarnar eru samanbundnar ímun til elkervið og ætlanirnar um at røkka málinum um heilt burðardygga orkuframleiðslu í 2030, sigur Lisa Murkowski. 

[object Object]
Mynd av luttakarum á fundinum í Føroya Tele (Mynd: Føroya Tele) 

Við á ferðini, sum var í seks tímar, vóru senatorarnar: Lisa Murkowski, Joe Manchin, John Barrasso, Maria Cantwell og Sheldon Whitehouse. Carla Sands, amerikanskur sendiharri í Keypmannahavn var eisini á ferðini, umframt at starvsfólk hjá senatinum og amerikonsku sendistovun eisini vóru við. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder