Álitið um Suðuroyartunnilin neyvan klárt í dag

Ógvuliga ivasamt er, um álitið frá fíggjarnevndini um uppskotið til Suðuroyartunnilin verður lagt fram í dag.

Løgtingið verður sett klokkan 11, og fýra fyrstu viðgerðir eru á skránni umframt framløga.

Fíggjarnevndin hevur fingið (longda) freist at koma við álitinum í málinum í morgin, 18. februar.

Men onki bendir á, at nakað fæst at vita í dag um, hvat fíggjarnevndin er komin fram til, hevur Portalurin frætt frá fíggjarnevndini.

Tingfundur verður aftur mikudagin og hósdagin. Í morgin eru munnligir fyrispurningar á skrá.