Hesi LED-stearinljósini kunnu blíva ov heit og smelta - handil afturkallar ljósini

Hevur tú keypt LED stearinljós við heitinum “Cozzy Denmark LED Stearinlys Gavesæt 10 dele” átti tú helst at ansað væl eftir. Maria Poulsen Búnýti sigur í fráboðan til sínar kundar, at ljósini kunnu vera vandamikil.

Vørunummarið er er 3-23100.

Tað kann koma fyri, at um ljósini standa tendraði í rúma tíð, so blíva tey ov heit, smelta og kunnu vera vandamikil, siga tey hjá Mariu Poulsen Búnýti. 

Handilin heitir á fólk, sum hava keypt vøruna frá teimum, um at koma aftur við henni. Pengarnir verða goldnir aftur.

El-Handilin á Tvøroyri hevur eisini afturkallað sama ljós.