Aftur ein tokvanlukka í Spania

Fáar dagar eftir at ein ógvuslig tokvanlukka rakti tvey snartok í spanska Córdoba landslutinum, er Spania aftur rakt av eini tokvanlukku, skrivar spanska sjónvarpsstøðin RTVE.

Osaka av nógvum regni, er ein stuðulsmúrur rapaður, og varð raktur av einum lokalum toki nærhendis Barcelona í Katalonia. Vanlukkan hendi á strekkinum millum Gelida og Sant Sadurní.

Sambært RTVE upplýsir løgreglan á staðnum, at tokførarin er deyður, meðan fleiri av ferðafólkunum hava fingið skaða.

BBC skrivaði nakað seinni, at minst 37 fólk hava fingið skaða, harav fimm eru álvarsliga skadd.

RTVE upplýsir, at 13 fólk eru bjargað úr tokinum uttan skaða.