Ætla at seta upp listaverk eftir Trónd Patursson á Høganesi

Í annaðkvøld klokkan átta verður skipað fyri almennum kunningarfundi um ætlanina um at seta upp listaverk eftir Trónd Patursson á Høganesi.

Á fundinum, sum verður í B68-húsinum á Svangaskarði, fara stigtakarar at greiða frá um ætlanina, og listamaðurin fer at greiða frá um listaverkið.

Høvi verður eisini at síggja modell av listaverkinum, skrivar Nes kommuna.