57 fangar deyðir í brasilskum fongslum

Stríð millum bandar í Brasilia hevur seinastu dagarnar kosta 57 fangum í fleiri fongslum í Brasilia lívið.

Sunnudagin doyðu 15 fangar í einum bardaga millum fleiri bandar í einum fongsli í norðara parti av Brasilia. Og í gjár vórðu 42 fangar funnir kvaldir í upp til fýra ymiskum fongslum í Amazonas-økinum.

Myndugleikarnir søgdu seg í nátt aftur at hava fingið tamarhald á støðuni. Bardagar millum bandar er ein stórur trupulleiki í fongslum í Brasilia, og trupulleikin gerst størri við at stórt plásstrot er í fongslunum.