5,5 milliónir krónur til Krabbameinsfelagið

Føroyingar savnaðu inn 5,5 milliónir krónur í sambandi við innsavningartiltakið hjá Krabbameinsfelagnum, Saman um krabbamein, sum varð víst í sjónvarpinum í gjárkvøldið.

Á skránni vóru persónligar søgur hjá sjúklingum og avvarðandi, innsløg um arbeiðið hjá Krabbameinsfelagnum, umframt tónleikainnsløg.

Stuðul kom inn frá bæði fyritøkum, stovnum og einstaklingum, og samlaða upphæddin bleiv 5.535.884 krónur.

Tað ber tó framvegis til at stuðla, so helst verður endaliga upphæddin hægri. Tað ber til at stuðla umvegis heimasíðuni krabbamein.fo fram til klokkan 12 í dag. Síðani verður lutakast um fleiri vinningar millum øll, sum hava stuðlað.