20 ára hátíðarhald á Listasavninum á Sandi sunnudagin

Sunnudagin 14. juni verður hátíðarhildið, at Listasavnið á Sandi fyllir 20 ár. Hetta við einum listadegi, har myndlist, tónleikur og upplestur eru á skránni.

Streingjaspæl er á skránni við teimum báðum úrmælingunum Heiðrun Petersen og Ragnari Olsen. Bæði hava spælt á savninum gjøgnum árini, og Heiðrun spældi eisini til sjálva upplatingarhátíðina fyri 20 árum síðan. 

Ólavur Jøkladal, savnstjóri, bjóðar vælkomin og greiður frá um savnið og søguna um savnið. 

Nils Ohrt, listfrøðingur og nevndarlimur setur útvald verk inn í ein listasøguligan kontekst. 

Niels Uni Dam, nevndarformaður og skilmaður Sofusar, lesur úr óútgivnu endurminningunum hjá Sofusi

Oddfríður Marni Rasmussen, lokalur rithøvundur, lesur staðbundnar tekstir.

Tiltakið byrjar kl.15.00. og hendan dagin er ókeypis atgongd. 

Listasavnið á Sandi