– Hevur sum heild verið friðarligt

Seinasta samdøgrið hevur sum heild verið rættiliga friðarligt hjá løgregluni.

Ein bilførari varð tikin fyri rúsdrekkakoyring, og eitt harðskapsmál hevur verið í Norðurøkinum.

Vakthavandi á løgreglustøðini sigur, at tey fáa ikki úttalað seg um málið í løtuni, tí tey eru í ferð við at gera kanningar.

Í gjár var stóra Pride-skrúðgongan í høvuðsstaðnum, men løgreglan hevur einki havt at gjørt í hesum sambandi, leggur vakthavandi afturat.

– Sum heild hevur tað verið friðarligt, og vónandi verður restin av ólavsøkuni eins friðarlig.