– Er tað ikki óheppið at hava ein fráfaringaraldur?

Er tað framvegis ætlanin at avtaka fráfaringaraldurin? Um so er, nær kann væntast, at hann fer í søguna?

Tað vil Jørgen Niclasen, tingmaður fyri Fólkaflokkin hava at vita frá Ruth Vang, landstýriskvinnu í fíggjarmálum.

Í viðmerking til ein § 52a fyrispurning vísir á, at landsstýriskvinnan í juni í ár sendi ætlanina um at avtaka fráfaringaraldurin til hoyringar, men síðan hevur einki verið at hoyrt um hetta.

– Í mun til okkara grannalond eru vit so heppin, at her eru nógv fleiri eldri, sum arbeiða eftir, at pensjónsaldur er náddur. Tað kann tykjast, sum mentanin millum okkara eldru er, at orka tey, so vilja tey arbeiða longur. Tí er spurningurin, um tað ikki er óheppið, at hava ein fráfaringaraldur hjá almennu Føroyum, sigur Jørgen Niclasen í viðmerking til fyrispurning sín.

– Brúk er fyri øllum. Seinastu tølini fyri arbeiðsloysið í Føroyum vísa framvegis, at stórt sæð einki arbeiðsloysi er. Hinvegin leitar arbeiðsmarknaðurin eftir arbeiðsmegi allastaðni. Longu merkist, at vit í Føroyum hava rættiliga nógvar útlendingar í landinum.