Innanlands

Vatnverkið í Villingadali fingið løggilding

Størsta vatnverkið hjá Tórshavnar kommunu hevur fingið løggilding.

Á myndini eru Viggo Christiansen, Jákup Dam (form. í teknisku nevnd) og Óluvu Vang vegna Tórshavnar kommunu saman við Hjørdis Haraldsdóttir Jensen vegna Heilsufrøðiligu starvsstovuna.

Á myndini eru Viggo Christiansen, Jákup Dam (form. í teknisku nevnd) og Óluvu Vang vegna Tórshavnar kommunu saman við Hjørdis Haraldsdóttir Jensen vegna Heilsufrøðiligu starvsstovuna.

2018-08-03 16:55 Author image
Tíðindaskriv
placeholder

Løggildingin er veitt til vatnverkið í Villingadali, ið veitir vatn til áleið 9500 fólk.

Hetta er triðja vatnverkið hjá Tórshavnar kommunu, sum nú hevur løggilding. Hini bæði eru vatnverkið á Velbastað og vatnverkið í Kaldbak, sum eru løggildað.

Hetta inniber, at mannagongdir viðvíkjandi framleiðsluhátti, útbreiðslu og arbeiðshátti eru góðkendar av Heilsufrøðiligu starvsstovuni.

Í hesum sambandi er ein góðskuhandbók fyri vantnverkið og vatnveitingarskipanina gjørd. Endamálið við handbókini er at tryggja vatnveitingina og at tryggja eina góða drekkivatnsgóðsku. Í handbókini er lýsing av vatnverkinum og vatnleiðingini. Somuleiðis er skráseting, vatnsýnistøkur, innaneftirlit v.m. skjalfest. Góðskuhandbókin er gjørd í samstarvi millum starvsfólk á Teknisku deild og Byggi- og umhvørvisdeildini hjá Tórshavnar kommunu. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder