Vanlukka í Kongo: 50 fólk deyð og 100 særd

Í minsta lagi 50 fólk hava latið lív í afrikanska landinum Kongo, eftir ein oljubilur stoytti saman við einum øðrum akfari leygardagin. Tað skrivar DR.

Umframt at 50 fólk hava latið lív, vórðu eisini 100 fólk, ið brendust í vanlukkuni.

Vanlukkan hendi tætt við bygdini Mbuta, uml. 130 kilometrar frá høvuðsstaðnum Kinshasa.

Varaguvernørunin í Kongo Central-landspartinum, Atou Maubuana Nkuluki, sigur, at myndugleikarnir gera alt, tey kunnu fyri at hjálpa ofrunum.

Vegirnir í Kongo eru kendir fyri ikki at vera væl viðlíkahildnir eftir fleiri ár við kríggi og ófriði.