URÐ í Listastovuni leygarkvøldið

URÐ, sum merkir “tað, sum er hent”, er ein nýskapandi tónleikabólkur við Jógvani Joensen, Trónda Bogasyni og Andrasi Tykjær Restorff.

Bólkurin tekur urðgamlar traditiónir, siðir og ritualir og leggur tað inn í ein nútíðarligan og nýskapandi ljóðheim. Tónleikurin hevur ein minimalistiskan dám, har endurtøkur og dronur mynda ein serstakan samleika – ein ljóðlig ferð millum mentanir og landsløg.

Konsertin er stuðlað av Økistónum.