Trý vilja vera sóknarprestur í Suðurstreymoyar eystara prestagjaldi

Umsóknarfreistin til embætið sum sóknarprestur í Suðurstreymoyar eystara prestagjaldi var úti á middegi í dag, og inn komu tríggjar umsóknir, skrivar hemasíðan hjá Fólkakirkjuni.

Tað verður kirkjuráðið í Nólsoy og kirkjuráðið við Havnar kirkju, sum koma at taka støðu til umsóknirnar og gera eina innstilling innan hálvan mars. Síðani er tað landsstýrismaðurin í kirkjumálum, sum útnevnir sóknarprestin.

Embætið sum sóknarprestur í Suðurstreymoyar eystara prestagjaldi verður ætlandi sett 1. apríl.