Innanlands

Tríggir menn varðahaldsfongslaðir fyri at hava roynt at smugla næstan eitt kilo av amfetamini

Mongdin hevur virði á í minsta lagi eina millión. Tveir danir og ein føroyingur sita í varðhaldi nú og skulu skjótt, saman við einum øðrum persóni, fyri eitt nevningating

2020-01-17 14:45 Author image
Agnar Prestá
placeholder

18. november í fjør fær løgreglan boð frá Tollvaldinum um, at roynt varð at smugla eina stór mongd amfetamin til Føroyar. Talan var 962 gramm av amfetamini. Rúsevnini vóru í einum bili, og tríggjar dagar eftir boðini handtók løgreglan fimm fólk. Hetta váttar Linda Hesselberg, ákæri hjá løgregluni, fyri Kringvarpinum í dag. 

Trý av teimum sum vórðu handikin - talan er um menn - sita í varðhaldi nú. Varðhaldsfongslingin heldur fram til 12. februar, og málið skal fyri eitt nevningating beinanvegin. Møguleiki er fyri, at fongsilsrevsingin verður upp til fýra ár.

Teir tríggir varhaldsfongslaðu og ein av hinum, ið varð handtikin í november, skulu fyri rættin í málinum, ið er óvanliga stórt. Fyri mongdina av amfetamini hevði verið møguligt at fingið selt fyri í minsta lagi eina millión. 

Hoyr innslagið við Lindu Hesselberg á kvf.fo

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder