Tingið í Kosovo upployst seg sjálvt

Tað hevur verið politisk órógv í Kosovo seinastu tíðina. Orsøkin er, at forsætisráðharrin Ramush Haradinaj 19. juli legði frá sær, eftir at hann við krígsdómstólin í Haag varð skuldsettur fyri at hava framt krígsbrotsverk undir krígnum í Kosovo beint áðrenn aldarskifti, har Haradinaj var herovasti í KLA.

Les eisini: Haradinaj skuldsettur fyri krígsbrotsverk

Nú er ein loysn funnin í stjórnini. Stjórnarlimirnir atkvøddu í dag fyri at upploysa tingið. 89 út av 120 atkvøddu fyri, og Haradinaj hevur viðmerkt, at talan var um eina búnað politiska avgerð. Hetta skrivar APF tíðindastovan.

(Rasmush Haradinaj var tvey ár í sessinum sum forsætisráðharri - Mynd: EPA)

Tað merkir, at val er fyri framman í Kosovo. Nær hetta verður, er ikki greitt, men fleiri flokkar eru so smátt farnir í gongd við valstríðið.