Tey uppløgdu løgmansevnini missa undirtøku

Tá Portalurin og Blaðið Vikuskifti hava gjørt veljarakanningar gjøgnum kanningarfyritøkuna Spyr.fo, hevur ofta verið spurt eftir hvønn persón tey spurdu ynskja til løgmann.

Og úrslitið hevur verið púra greitt – veljararnir vilja helst hava undanfarna løgmann, Aksel V. Johannesen og í øðrum lagi sitandi løgmann, Bárð á Steig Nielsen.

Men nýggjasta kanningin vísir, at undirtøkan fyri júst hesum báðum er minkandi. Formaðurin í Javnaðarflokkinum hevur nú undirtøku frá “bara” 34,6 prosentum – seinast var hon 37 prosent, meðan formaðurin í Sambandsflokkinum gongur aftur úr 30,3 niður á 27,5 prosent.

Hinvegin ganga formanninir hjá Tjóðveldi, Fólkaflokkinum og Framsókn fram.

Les alla greinina og síggj øll tølini í Blaðnum Vikuskifti ókeypis her