Suðuroyar Sparikassi tillagar út- og innlánsrenturnar

Eftir at evropeiski miðbankin og danski tjóðbankin í september enn eina ferð hækkaðu leiðandi rentuna við 0,25 %-stigum, hækkar Suðuroyar Sparikassi eisini út- og innlánsrenturnar.

Tað boðar bankin frá í tíðindaskrivi.

Útlánsrenturnar hækka við upp til 0,25%-stigum p.a fyri bæði privat- og vinnukundar, og innlánsrenturnar hækka við upp til 0,50%-stigum p.a fyri bæði privat- og vinnukundar.

Rentubroytingarnar koma í gildi 6. desember 2023.

Rentuyvirlitið á heimasíðuni www.ss.fo verður dagført, tá ið broytingarnar koma í gildi, skrivar Suðuroyar Sparikassi.