Strandferðslan boðar frá fleiri avlýsingum fyrrapartin

Nógvur vindur hevur verið í nátt og í morgun, og illveðrið hevur eisini við sær, at Strandferðslan noyðist at avlýsa fleiri túrar á sjóleiðunum fyrrapartin.

Boðað verður frá, at fyribils er eingin sigling á Nólsoyarleiðini, og fyribils er heldur eingin koyring á leið 700, 701, 600, og 601 hjá Bygdaleiðum.

Fyrsti túrurin á Suðuroyarleiðini verður sigldur av Krambatanga klokkan 12, og á leiðini millum Skopun og Gomlurætt verður ikki siglt fyrr enn klokkan 14.

Á Hestleiðini verða túrarnir av Gomlurætt klokkan 8.45 og úr Hesti klokkan 9.05 heldur ikki silgdir, og øll siglingin millum Sandoynna og Skúvoynna er avlýst í dag.