Støðan er álvarslig – bisparnir eru kallaðir heim – NRK sendir beinleiðis

Tað ræður eitt slag av undantaksstøðu í Noregi, nú óttast verður fyri, at Harald kongur liggur til tað síðsta á ríkissjúkrahúsinum í Oslo.

Allir bisparnir í norsku kirkjuni, sum eru staddir á ferð í Rom, eru nú kallaðir heim. Ferðin er avbrotin og restin av skránni er avlýst, so bisparnir kunnu koma heim sum skjótast, skrivar Vårt Land.

Eisini formaðurin í stórtinginum, stórtingsforseti, sum heitið hansara er, hevur verið noyddur at bróta uttanlandsferð av. Masud Gharahkhani hevur verið í Íslandi á vitjan, men hann hevur eisini avlýst restina av ferðaskránni fyri at vera heima í Oslo eftir tíðindi um vánaligu heilsustøðuna hjá kongi, skrivar VG.

Og øll kongsfamiljan er nú eisini samlað á ríkissjúkrahúsinum fyri at vera hjá 89 ára gamla Harald kongi.

Tey eru:

• Krúnprinsaparið – Haakon krúnprinsur (sonur Harald kong) og Mette-Marit prinsessu
• 89 ára gamla Sonja drotning
• Børnini hjá krúnprinsaparinum, 20 ára gamli Sverre Magnus og 22 ára gamla Ingrid Alexandra
• Sonur Mette-Marit, 29 ára gamli Marius Borg Høiby
• Stórasysti kongs, 94 ára gamla Astrid prinsessa.

NRK hevur beinleiðis sending í sambandi við álvarsligu støðuna hjá kongi. Sendingin sæst her