Spælitraktorur elvdi til at leiting varð sett í verk

Í gjárkvøldið fekk løgreglan fráboðan frá einum persóni í Klaksvík, ið var óttafullur yvir at hava sæð ein lítlan plastikktraktor standa við ein bryggjukant í Klaksvík, meðan lastin til traktorin fleyt á sjónum.

Viðkomandi bar ótta fyri, at eitt barn eisini kundi vera dottið á sjógv.

Løgreglan sendi fólk út at leita og kanna umstøðurnar, men rættiliga skjótt eftir, varð leitingin avblást, tá tað varð funnið fram til, at spælitraktorurin hevði rikist í økinum har um leiðir í fleiri dagar.

- Tá vit fáa slíkar fráboðarnir vilja vit heldur binda um heilan fingur, og tryggja okkum, áðrenn slíkt verður avblást aftur, sigur vaktleiðarin á løgreglustøðini í morgun.