Skrúvuguðstænasturnar byrja aftur í Hoyvíkar kirkju

- Summarfrítíðin er av á hesum sinni. Tað merkir, at aftur er møguleiki at fáa eina góða máltíð í Hoyvíkar kirkju hvønn síðsta mikudag í mánaðinum.

Soleiðis skriva tey í Hoyvíkar kirkju, nú sonevndu  skrúvuguðstænasturnar byrja aftur. 

Talan er um eitt afturvendandi tiltak í fleiri kirkjum kring landið. Børn, sum eldri, savnast til bíbliusøgu, sang og síðani er ein máltíð á skránni.

- Skrúvuguðstænastan er tiltak, ið savnar nógv fólk, bæði børn og eldri, og er við tíðini blivin fastur táttur og samleiki hjá kirkjuni í einum  tí barnríkasta økinum í landinum.

Boðað verður samstundis frá, at nu er lasanja á matskránni.

Fyrsta skrúvuguðstænastan eftir summarsteðgin í Hoyvík verður í kvøld, mikukvøldið 27. august klokkan 17.30. Hon verður við Bergtóri Hjelm Bjarhamar sum presti.