Innanlands

Skiparar á Heyki og Falki fáa sektaruppskot í dag

Teir vórðu um vikuskiftið tiknir fyri at fiska á stongdari leið og sleppa ikki til fiskiskap aftur, fyrr enn teir hava rindað sektina. Ógreitt er, hvussu stór hon verður.

Falkur (Mynd: Kiran Jóanesarson)

Falkur (Mynd: Kiran Jóanesarson)

2020-01-20 10:34 Author image
Alda Nielsdóttir
placeholder

Leygardagin kom Tjaldrið á Havnina við partrolarunum Heyki og Falki, eftir at teir vórðu undir illgruna fyri at hava fiskað á stongdari leið.

Løgreglan avhoyrdi skipararnar, og teir játtaðu seg sekar í at hava fiskað 3,6 tons á Kassa U norðanfyri Fugloynna.

Heykur og Falkur liggja nú í Runavík, og sleppa teir ikki til fiskiskap aftur, fyrr enn teir hava rindað eina sekt ella veitt trygd fyri henni.

Sambært Kringvarpinum fáa teir sektaruppskotið í dag, men enn er ógreitt, hvussu stór sektin verður.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder