Sirið Stenberg vitjaði Zelenskyj í Kyiv

Landsstýriskvinnan í uttanríkis- og vinnumálum, Sirið Stenberg, vitjaði í dag í Kyiv saman við danska verjumálaráðharranum, Troels Lund Poulsen.

Hon vitjaði millum annað ukrainska forsetan Volodymyr Zelenskyj.

Sambært Kringvarpinum vitjaði hon eisini fyritøkur og legði vegna landsstýrið eitt silkiband í føroysku flagglitunum á Frælsistorgið.

Á videobroti, sum ukrainski forsetin hevur lagt út á sosialar miðlar í dag, sæst Sirið Stenberg og føroysk embætisfólk sita um borðið saman við Volodymyr Zelenskyj. Sí videobrotið omanfyri.