Setti stolnar vørur til sølu á Rótikassanum

Ein persónur varð í gjár skuldsettur fyri fleiri ferðir at hava stolið úr einum handli í høvuðsstaðnum.

Tjóvaríið varð meldað, eftir at starvsfólk í handlinum høvdu sæð nakrar av stolnu vørunum til sølu á Rótikassanum á Facebook.

Løgreglan fann fram til viðkomandi, sum hevði sett stolnu vørurnar til sølu og fór heim til viðkomandi, og har fann løgreglan fleiri stolnar vørur.

Vaktleiðarin á løgreglustøðini kundi ikki upplýsa, hvørjar vørur talan var um, ella hvørjum handli tær vóru stolnar úr.