SAS: 32 prosent færri ferðafólk í juli

Í juli, tá SAS varð rakt av verkfalli, ferðaðust 1,3 milliónir ferðafólk við skandinaviska flogfelagnum.

Tað eru 600.000 ella 32 prosent færri enn í juni, tá ferðafólkatalið var 1,9 milliónir. Talan var tó um eina øking á 23 prosent í mun til juli 2021, skrivar SAS í tíðindaskrivi.

Undir verkfallinum vórðu yvir 3.700 flogferðir avlýstar, og yvir 380.000 ferðafólk vórðu ávirkað.