Russland: Ukraina framt fleiri enn 100 álop í oktober

Higartil í oktober mánað hevur Ukraina framt í minsta lagi 100 álop á russiskt øki, sigur russiska fregnartænastan FSB.

Seinastu dagarnar eru 32 bygdir og býir í russisku landslutunum Bryansk, Kursk og Belgorod raktir av mortaraálopum, sigur FSB. 

Skotið hevur verið bæði við rakettum, mortarum, og dronum.

FSB sigur, sambært DR, at í minsta lagi ein persónur er dripin, og fimm eru særd í álopunum.