Punkdiskotónar úr Oslo á G!

Eitt brak av eini konsert er í væntu, tá ið norski bólkurin Das Body kemur á vitjan á G! Festivalinum í Syðrugøtu í summar.

Tónleikurin tey spæla er er eitt slag av punkdisko tónleiki. Ellie Linden eitur orkumikla songkvinnan, sum stendur í miðjuni, og hon minnir ikki sørt um eina blanding av Debbie Harry og Gwen Stefani.

Das Body er ein av hasum bólkunum, har tað er ringt at fanga teirra sonnu orku á upptøkum – eins og tað er ringt at fanga hugflog og goyma tað á fløsku.

Boðini eru stutt og greið: Das Body skal upplivast!