Pride í Berlin: Hava dripið gerningsmannin

Umleið klokkan 18 lokala tíð varð maðurin sum er undir illgruna at standa aftanfyri álopið í Tiergarten í gjár funnin í einum kolonihava í Spandau vestan fyri Berlin.

Sambært løgregluni rann maðurin við stunguvápni móti løgreglufólki, sum síðani skutu eftir manninum. Hann fekk álvarsligan skaða og doyði á staðnum løtu seinni.

Tíðliga í morgun eftirlýsti týsku myndugleikarnir 21 ára gamla Abdul Ballout, sum var undir illgruna. Løgreglan kendi mannin sum hevði samband við islamistiska umhvørvið í Berlin.

29 fólk komu til skaða tá Abdul Ballout koyrdi í mannamúgvu og leyp síðan á við stunguvápni til eitt Pride-tiltak í Berlin. Eitt fólk doyði av løstinum.

(Mynd: John Macdougall/AFP/Ritzau Scanpix)