Parkinsonfelagið á ferð kring landið

Parkinsonfelagið fer nú at skipa fyri fleiri almennum fundum kring landið fyri fólk við parkinson, avvarðandi og onnur, sum hava áhuga fyri parkinson.

Fyrsti fundurin verður í Ribarhúsi í Fuglafirði mikudagin 12. mai klokkan 18.30.

Á skránni er felagssangur, fyrilestur og hugni. Anna Berg Dánielsen, fysioterapeutur kemur at greiða frá parkinsonvenjingum, og John William Joensen, formaður í Parkinsonfelagnum fer at greiða frá felagnum, parkinson og viðger í Føroyum í dag.

Leygardagin 29. mai klokkan 14 verður aftur ein almennur fundur í Hamragarði í Vági, og í heyst er ætlanin at skipa fyri fleiri fundum kring landið, skrivar Parkinsonfelagið í tíðindaskrivi. Nærri um hetta verður lýst seinni.