Óli Hans Olsen fer úr starvi sum stjóri á Vørn

Óli Hans Olsen hevur sagt seg úr starvi sum stjóri á Vørn.

Hesum boðar Uttanríkis- og fiskimálaráðið frá í dag.

Hann verður tøkur komandi mánaðin at hjálpa til við málum, sum kunnu stinga seg upp.

Seinnapartin á bátastevnuni 14. mai (Mynd: Jens Kr. Vang)

Jóhan Simonsen, deildarstjóri á Vørn, tekur við sum virkandi stjóri fyribils. Eftir summarfrítíðina verður søkt eftir nýggjum stjóra.

Uppsøgnin kemur eftir óhappið á Bátastevnuni í Vestmanna, tá stjórin á Vørn var umborð á skjóttgangandi báti sum við nógvari ferð sigldi inn í síðuna á Brimli.