Nýggjur varaborgarstjóri í Vestmanna

Á eyka bygdaráðssfundi var bygdaráðið og nevndir í Vestmanna kommunu skipaðar av nýggjum.

Símin Jákup Højsted, ið varð valdur í bygdarráðið á kommunuvalinum í 2024, og sum gjørdist varaborgarstjóri, hevur flutt bústað, og sambært kommunustýrislógini sigur ein kommunupolitikkari allar sessir frá sær, tá ið hann flytir úr einari kommunu, har hann varð valdur.

Nýggjur limur í bygdaráðnum er Fróði Bjarkason Skúvadal, og nýggjur varaborgarstjóri er Karl Olsen.

Karl Olsen var borgarstjóri árini 2005 til 2012 og hevur eisini verið varaborgarstjóri áður.

Bygdarráðið og umskipaðu nevndirnar eru nú mannaðar soleiðis:

Bygdarráðið
Sára Jógvansdóttir, borgarstjóri
Karl Olsen, varaborgarstjóri
Anja Haldansen
Pauli Magnussen
Jákup S. Jóanesarsson
Janus Jensen
Fróði B. Skúvadal

Bogi Fossdal, 1. eykalimur
Jens Ivan í Gerðinum, 2. eykalimur

Trivnaðarnevndin
Anja Haldansen, forkvinna
Jákup S. Jóanesarsson
Fróði B. Skúvadal

Vinnu- og havnarnevndin
Karl Olsen, formaður
Jákup S. Jóanesarsson
Pauli Magnussen

Fíggjarnevndin
Sára Jógvansdóttir, forkvinna
Karl Olsen
Anja Haldansen

Tekniska nevnd
Janus Jensen, formaður
Pauli Magnussen
Jákup S. Jóanesarsson

Harumframt er Janus Jensen valdur í bygginevndina fyri Vestmanna Skúla og í tilbúgvingarnevndina.