Í seinastuni hevur nógv virksemi verið beint niðanfyri Blikksmiðjuna í Klaksvík. Eitt nýtt vinnuøki er í gerð, sum er staðsett har.
Byggifyritøkan Kanjon hevur víðkað kajkantin til nýggja vinnuøki. Talan er um eina útfylling, sum er á leið 1800 fermetrar - frá bygninginum hjá Skipafelagnum til heimaru bryggju.
Í vikuni er økið handað kommununi, og nú verður farið undir arbeiðið at fáa nýggja økið matrikulerað. Síðan skal grótið seta seg, áðrenn farast kann í gongd við at byggja. Tilboðið frá Kanjon var á 4,3 milliónir, skrivar Klaksvíkar kommuna.
Vinarliga broyt tínar kennifíla - og privatlívsstillingar fyri at síggja hetta innihald