Nú skal orsøkin finnast

Eingin fólkaskaði var í eldinum, sum kyknaði í einum sethúsum í Sørvági um døgurðaleitið leygardagin.

Fólkini sum vóru í húsinum, sluppu út í øllum góðum, men húsini eru rættiliga illa farin í eldinum. Tað sum ikki bleiv oyðilagt av eldinum er farið av nógva vatninum, sum í fleiri tímar bleiv sproytað oman yvir húsini.

(Mynd: Jn.fo)

Tað er tætt millum húsini har, og okkurt annað hús hevur fingið ávísan skaða av nógva hitanum.

Eldurin varð sløktur út á seinnapartin, og nú skal orsøkin til eldin finnast. Løgreglan er farin í gongd og einaferð í vikuni kann helst staðfestast, hví eldurin kyknaði.