Nú lækkar Norðoya Sparikassi eisini rentuna

Í stuttum tíðindaskrivi seinnapartin boðar Norðoya Sparikassi frá, at bankin eisini lækkar rentuna.

Lægsta sethúsarentan lækkar við 0,15 %-stigum niður í 2,95 %. Lægsta rentan á billánum lækkar eisini og verður frá 3,25 %.

Lækkingin stendst av broytingum á fíggjarmarknaðinum, sigur bankin og fær gildi frá 1. september 2018.

Hetta kemur eftir at BankNordik fyri vikum síðani og Betri fyrrapartin boðaðu frá, at tey lækkaðu rentina.

(Rættað kl. 17:20)