Nú fáa allir nýføðingar í Hvalbiar kommunu gávu

Herfyri samtykti Hvalbiar kommuna, at øll børn, sum eru fødd í kommununa eftir 1. januar 2021, skulu fáa eina gávu.

Fríggjadagin 23. apríl var fyrsti hvalbingurin, sum er føddur eftir 1. januar í ár við familju boðin á kommunuskrivstovuna til gávuhandan, skrivar Hvalbiar kommuna á heimasíðuna.

Fyrstføddi hvalbingurin í 2021 er Jósef West, sum er føddur í februar. Foreldur hansara eru Arnold og Eva West, og eisini hevur hann ein eldri beiggja, sum eitur Otto West.

Eir Jógvansdóttir Norðberg, forkvinna í Trivnaðarnevndini handaði lítla Jósef gávuna.