Norska sendikvinnan í Danmark vitjaði Løgtingið

Norska sendikvinnan í Danmark, Tone Allers, vitjaði í gjár í Løgtinginum, har hon hitti løgtingsformannin, Johan Dahl.

Tone Allers gjørdist norsk sendikvinna í Danmark í fjør og situr til 2029.

Í tingsalinum greiddi løgtingsformaðurin frá søguni hjá Løgtinginum. Eftir hetta varð tosað um ymisk viðurskifti av felags áhuga. Harímillum vórðu støðan hjá Føroyum í mun til serliga ES og spurningurin um føroyskan limaskap í Norðurlandaráðnum umrødd, skrivar heimasíðan hjá Løgtinginum.

Við í fylginum hjá norsku sendikvinnuni var eisini Petur Even Djurhuus, norskur konsul í Føroyum.