Neyðlendi á landavegnum uttan fyri Reykjavík

Eitt lítið flogfar mátti í gjárkvøldið gera eina neyðlending á Suðurlandsvegi eystan fyri Hólmsheiði, sum er høvuðslandavegurin í Íslandi úr Reykjavík móti Hverðagerði.

Flogfarið var júst farið av flogvøllinum í Reykjavík við kós móti Bretlandi, tá tað fekk trupulleikar av onkrum slag. Bert flogskiparin sat í flogfarinum, og hann slapp snikkaleysur frá hendingini.

Flogfarið var komið úr USA og setti seg á flogvøllinum í Reykjavík har tað stóð í nakrar tímar fyri at bunkra.

Flogfarið er nú flutt burtur til kanningar, skrivar íslendska kringvarpið, RÚV.