Nevndin í Lærarafelagnum óbroytt

Aðalfundurin hjá Føroya Lærarafelag verður 9. mai, men longu nú er greitt, at nevndin í felagnum heldur fram óbroytt.

Tveir nevndarlimir standa fyri vali - Tórhallur við Gil, sum er næstformaður í Lærarafelagnum og lærari í Runavíkar komunuskúla, og Eyðbjartur S. Skaalum, skrivari í Lærarafelagnum og lærari í skúlanum á Argjahamri.

Freistin at stilla upp til nevndarvalið var úti í farnu viku, og vóru teir báðir teir einastu, sum stillaðu upp, og tí eru teir valdir í nevndina uttan nakað val, skrivar Føroya Lærarafelag.

Nevndin í Føroya Lærarafelag er Jacob Eli S. Olsen, formaður, Tórhallur við Gil, næstformaður, Jona Højsted, kassameistari, Eyðbjartur S. Skaalum, skrivari, og Bergur Samuelsen, nevndarlimur.

Á aðalfundinum skal ein 1. tiltakslimur og ein 2. tiltakslimur veljast til nevndina.