Almenna vitjanin hjá Mette Frederiksen, forsætisráðfrúu og manninum, Bo Tengbjerg, byrjaði í morgun, tá fylgið fór í Tinganes, har Bárður á Steig Nielsen, løgmaður, og frú Rakul Nielsen tóku ímóti.
Klokkan 10.45 verður stuttur tíðindafundur upp á eitt korter ‘á gáttini’ áðrenn danski stjórnarleiðarin fer út á Glasir at vitja.
Einasta almenna punktið afturat á skránni í dag er, at tey fara til landsdystin á Tórsvølli í kvøld millum Føroyar og Luksemburg.
Í morgin fer Mette Frederiksen á virkisvitjan. Vitjað verður hjá Ocean Rainforest í Kaldbak, á Bakkafrost á Glyvrum og hjá Føroya Bjór í Klaksvík.
Hósdagin verður so ríkisfundurin har grønlendski landsstýrisformaðurin Múte B. Egede eisini er við, og fundur í uttanríkis-, trygdar- og verjupolitiska samstarvsráðnum við luttøku av fleiri donskum ministarum og føroyskum og grønlendskum landsstýrisfólkum.
Vinarliga broyt tínar kennifíla - og privatlívsstillingar fyri at síggja hetta innihald