Mia útlærdur grafikari

Mia Haldorsdóttir Smith kundi í farnu viku hátíðarhalda, at hon bleiv útlærd sum grafikari. Mia hevur verið lærlingur á marknaðardeildini í SMS seinastu fýra árini.

Fleiri kenna Miu sum eina dugnaliga listakvinnu, ið eitt nú teknar figurin Ullu í ymsum gerandisstøðum, ofta úr einum skemtiligum sjónarhorni. 

Meðan Mia hevur verið í læru hjá SMS, hevur hon sett sín dám á SMS við stuttligum figurum, gjørt flott skattakort, sett bløð upp, teknað kúnna til nýmjólkina í Miklagarði og mangt annað.

Regin W. Dalsgaard, marknaðar-og býlingsstjóri, handar Miu H. Smith sveinabrævið