Magni Christiansen á Summar Festivalin

Nú er tíðin aftur komin, at Magni Christiansen fer at framføra á Summar Festivalinum, har hann áður hevur havt frálíkar konsertir.

Magni Christiansen er kendur sum country- og gospelsangari, og hann hevur gjøgnum árini givið nógvan tónleik út, og hann hevur verið íðin at spæla konsertir kring landið.

Á ársins Summar Festivali fara Magni Christiansen og Bernhard Højgaard Petersen at hava framførslu á Torginum, og teir spæla góðar country- og gospelsangir – til dømis "Við vegin", "Me And Bobby McGee", "Detroit City", "Her glaður eg ferðist" og aðrar, skriva fyriskiparar av Summar Festivalinum í tíðindaskrivi.

Summar Festivalurin verður hildin dagarnar 7. til 9. august.