Løgreglan kannar herverk á valplakatir í høvuðsstaðnum

Sambært Kringvarpinum var talan um ein mann í skíðmasku og á reyðari súkklu, ið var hóttandi í sínari atferð mótvegis nøkrum ungum, sum vóru í miðbýnum í Tórshavn gjárkvøldið.

Hann gjørdi seg inná valplaktir hjá Sambandsflokkinum; skræddi fleiri niður og koyrdi tey í ruskíløt. Hetta var við Vaglið og við Essabar.

Myndir: Sverri Egholm

Løgreglan váttar fyri Portalinum, at viðkomandi persónur er meldaður, og at málið nú verður kannað nærri.

Tá tað er slíkt, er talan um herverk/stuldur. Um persónurin verður dømdur, so fellur ein revsing, og møguliga verður talan um endurgjaldskrav. 

Tað er farið beinleiðis eftir plakatum hjá Sambandsvalevnum (Myndir: Sverri Egholm)