Lars Løkke lagt frá sær sum formaður í Vinstra

Fyrrverandi danski forsætisráðharrin, Lars Løkke Rasmussen hevur tikið avgerð um at leggja frá sær sum formaður fyri Venstre.

Hesum boðar hann frá á Twitter í dag, sambært DR.

- Umráðandi at halda fast í sínari sjálvsvirðing.  Kann ikki vera formaður í einum flokki, har eg sum formaður ikki sleppi at kjakast um og royna ta politisku kósina, eg havi lagt, á einum landsfundi, har eg eri valdur. Takk fyri nógv góð ár, skrivar hann.

Avgerðin er tikin, eftir ein leiðslufund hjá Vinstra í dag.

Sambært upplýsingunum hjá TV2, hevur næstformaðurin, Kristian Jensen, eisini takkað fyri seg, og sostatt skal Venstre hava heilt nýggjan formansskap.