Koppseta á Eysturoyar Apoteki framyvir

Frameftir verður koppsett fyri koronu á Eysturoyar Apoteki týsdagar og hósdagar.

Hesum boðar Sjúkrahúsverkið frá á korona.fo.

- Koppsetingin fer fram í samstarvi við Klaksvíkar sjúkrahus. Síðani ársskiftið hevur koppsetingin í Klaksvík verið á Norðoya apoteki, og samstarvið við Apoteksverkið hevur riggað væl. Nú verður eisini ein roynd gjørd á Eysturoyar Apotek, sum liggur á Mýravegi 6 í Runavík, sigur korona.fo.

Fólk skulu enn sum áður bóka tíð til koppseting.