Tíðindaskriv
Electro-western bólkurin Kóboykex hátíðarheldur fyrstu LP sína, Wagon Wheels, við útgávukonsert í OY, leygarkvøldið 6. juni.
Plátan er komin út í dag, á Mentunarnáttini í Havn. Hon er ein samanblanding av góðum gomlum country-western líkandi løgum, og einum meiri nýggjari elektroniskum ljóði.
Í sambandi við útgávuna, fer bólkurin at hava eina ókeypis útgávuframførslu í Tutl-handlinum á Mentunarnáttini kl. 17.
Leygarkvøldið 6. juni kl. 21 heldur Kóboykex síðani stóru útgávukonsertina í OY. Konsertin verður við fullari manning, har Heðin Ziska Davidsen á gittara, og Harald Fonsdal Johanesen á trummum. Og hvør veit, kanska víðagitna gulldaman Jessie (Sanna Bæk Hoydal) eisini verður at síggja?
Kóboykex er mannað av Sigmundi Zachariassen og Heiðriki á Heygum. Saman eru teir Kóboykex, nú við Wagon Wheels.
Wagon Wheels verður tøkt á stroymingartænastum og á LP plátu.
Vinarliga broyt tínar kennifíla - og privatlívsstillingar fyri at síggja hetta innihald