Kirkjuligur hátíðardagur í Nólsoy síðsta vikuskifti

Sunnudagin 6. august 2023 var sannur kirkjuligur hátíðardagur í Nólsoy.

Kirkjan, ið varð vígd 2. august 1863, hevði 160 ára føðingardag, og deknurin, Una Hansen, fekk æruheiðursmerki (fortjenstmedalje i sølv) frá hennara hátign, Margrethu drotning.

Una byrjaði sum deknur dýra biðidag, 29. apríl 1983, og hevur hon við trúfesti og nærlagni hevur røkt deknatænastuna í samfull 40 ár, skrivar heimasíðan hjá Fólkakirkjuni.

Eftir morgunmat í Nýggjustovu fyri kirkjuráðnum, helt dagurin fram við hátíðargudstænastu klokkan 12, har ið Jógvan Fríðriksson, biskupur, og sóknarprestarnir Anne Mette Greve Klemensen og Sverri Steinhólm luttóku.

Jógvan Fríðriksson prædikaði yvir dagsins tekst. Eftir prædiku varð tala hildin, og biskupur handaði Unu Hansen æruheiðursmerkið vegna drotningina. Eisini varð eitt barn borið til dópin, og fyri dópinum stóð Anne Mette Greve Klemensen. Les meira her.